Klokka 13.40 fekk politiet melding om brann i eit hus på Djuve nær Eikemo langs Åkrafjorden i Sunnhordland.

Brannen starta i eit våningshus. Ifølgje politiet, bur det ingen fast i huset, men etter det bt.no kjenner til skal det ha vore folk i huset i samband med påskeferien.

— Det var ei stund var fare for at brannen ville spreie seg til skogen rundt, det var ein av tinga som bekymra meg. Men vi fekk kontroll tidsnok, sier Ole Martin Grindheim i Etne brannvesen.

Ein vegg står igjen

To sommarhus har gått tapt. Det einaste som står igjen av dei to husa, er ein vegg. Ingen personer skal ha blitt skada i brannen.

Brannfolk måtte fraktast i båt til klyngetunet i Åkrafjorden. Eit brannhelikopter vart også sendt til Etne, men vart omdirigert til skogbrannen på Sotra.

Grindheim skryter av dei frivillege som hjalp til i slukkingsarbeidet.

— Det var en gjeng frå Skånevik Ølen Kraftlag som hadde vore på jobb, som kom til og hjalp oss. Dei gjorde ein kjempejobb, sier Grindheim.

Omtrent klokka 18 var brannvesenet ferdige på stedet.

Frakta båtlass med brannfolk

Geitebonde Geir Arne Eikemo fekk full hyre med å frakta fleire båtlass med brannfolk og politi over fjorden til den veglause garden Djuve som ligg sørvest for garden hans på Eikemo.

— Det ser ille ut. Det er ikkje mykje att av huset, sa geitebonde Geir Arne Eikemo tidlegare tysdag.

— Det er vondt å koma til. Det er ikkje veg fram til garden og alt av utstyr må berast opp, sa Eikemo.