Det var på jernbanestasjonen i Arna at ein mann i ettermiddag trekte fram kniv, etter at han ikkje fekk vere med toget vidare av konduktøren.

— Eit vitne såg at mannen drog fram ein kniv og vifta med han på perrongen, seier operasjonsleiar Preben Vallestad i Hordaland politidistrikt.

Politiet fekk melding kl. 17.22, og sendte tre patruljer til Arna for å sjå etter mannen.

— Han skal vere i 30-40-årsalderen og ha på seg ei svart jakke. Han var i lag med ei kvinne med lyst, langt hår, seier Vallestad.

Kl. 17.45 melder politiet at ein mann og ei kvinne er tatt med til politihuset etter knivtruslane. Konduktøren har foklart til politet at han ikkje fekk med seg at mannen trekte kniv.