Det kom fram i Sogn tingrett i går, skriv Sogn Avis. Den 39 år gamle sogningen er sikta for svindel og underslag etter at tre kjøparar melde han til politiet. I tillegg meiner påtalemakta at han har lurt unna om lag 1,8 millionar kroner og nesten 600 000 kroner i moms.

I retten i går fortalde tiltalte at han har hatt fleire politimenn som kundar.

Bilforhandlaren selde to mercedesar til politimeister Kjell Ese, ein tysk luksusbil til ein politijurist i Sogndal og ein bil til ein politibetjent i Årdal.

– Desse og mange fleire av kundane mine har vore godt nøgde. Det var dei tre siste som det gjekk så aldeles gale med, sa 39-åringen då han forklarte seg, ifølgje Sogn Avis.

Bilforhandlaren nektar straffeskyld. Han har no betalt attende dei 366 000 kronene som tre kundar meiner seg svindla for.