Sikra seg alle Eikaasplatene

Alliansen mellom Jølster kommune og kunstmusea i Sogn og Fjordane og Bergen sikra seg i går alle dei 12 Eikaasplatene som blei selt på auksjonen hos Blomqvist.

Totalt må kjøparane ut med kring 2,3 millionar kroner for dei 12 trykkplatene. Platene gjekk under hammaren for nær 1,9 millionar. Utover dette skal auksjonsfirmaet ha 18 prosent tillegg for å ha gjort jobben.

Det var spesielt tresnittet «Hest i vind» som drog prisen opp. Frå ein utropspris på 35.000 kroner stoppa ikkje bodrunden før på 700.000. Siste bodet blei lagt inn av avdelingsdirektør Audun Eckhoff ved Bergen Kunstmuseum. Han sat i Bergen og baud på telefon, og hadde i følgje avisa Firda vide fullmakter frå samarbeidspartnarane.

I morgon opnar ei stor utstilling av bileta til Ludvig Eikaas på Eikaasgalleriet i Jølster. Jostein By, rådmann i Jølster, seier til NRK Sogn og Fjordane at dei håpar å ha platene på plass i Jølster til morgondagens utstilling.

Les også:

Siste fra Lokalt

Bilder

Ludvig Eikaas: «Mannshode» frå 1952.