Gammal vane er vond å vende. Då mannen tok hurtigbåten frå Bergen til fengselet i Sogn, klarte han ikkje å la vera.
Tre bærbare datamaskiner, eit visakort og litt toalettsaker var kome med i bagasjen då han etter båtturen stod ved fengselets port.
Fann sakene igjen
Medpassasjerane sakna sakene sine og melde frå til kapteinen.
To og to vart lagt saman. Tjuvegodset vart etter kvart funne i Vik fengsel og levert tilbake.
Lar nåde gå for rett
No har mannen stått til ansvar i Sogn Tingrett, etter båtturen frå september i fjor.
Sjøl om han er dømd seks gonger tidlegare for tjuveri og narkotikasaker, slepp han denne gongen med 30 timars samfunnsteneste.
Han er blitt rusfri og skal gifta seg. Retten lot dermed nåde gå for rett.
