Det ligg an til å bli ein fin avslutning på året om du tek turen på den tradisjonsrike julepuben i Eikelandsfjorden Samfunnshus 2. juledag.

Den emigrerte amerikanaren Robert Smith-Hald vitjar Fusa med sitt trufaste orkester Fusa's Finest (!).

Backingbandet gav Robert namnet Fusa's Finest etter å ha blitt stadig meir forundra over det faktum at kvar einaste fusing han trefte var ein framifrå musikar!

Robert Smith-Hald kan minne om ein sprek sekstitals Bob Dylan, og ein potent syttitals Bruce Springsteen. Trass desse rikhaldige referansane er det mannen, livet og historia som kjem fram når Robert predikerer sin folk-rock/americana frå scenen. På sett og vis kjem no altså Robert Smith-Hald til å ha sin fyrste framferd på heimebane!

Det skjer mykje for Robert for tida, sakte men sikkert. Debutplata er ferdig, og vert sloppe på Sonet Universal vinter/vår 2009. Fyrste singel ut, "Innocence Said", har allereie snurra på P1 i fleire månader og vorte godt motteke hjå bransje og meinigmann. Fleire singlar er på veg til å bli lista, frå ei plate som er spekka med godlåtar!

Etter ein vellukka fotoshoot er platecoveret klart, utvikla av Bjørn Harald Myhre (Kaizer's Orchestra, Grand Island, Datarock etc.), og resultatet vart mildt sagt slåande. Den kjem til å vekke oppsikt i platehylla di!

Ta turen på julepub i Eikelandsosen og finn ut kvifor så mange har trykt Robert Smith-Hald sin musikk til brystet!

Det vert og gjestevokalistar som vert støtta opp av Fusa's Finest, med andre Ingunn Dalland, John Olav Fløisand og Hans Martin Austestad.

Fusa's Finest:

Tom Riise – trommer

Vegard Henganger – gitar, mandolin, lapsteel

Ole G Eikeland – bass, kor

Kjetil Andre Tofte – tangentar

Ole Rasmus Hjelle – gitar, kor

Høyr og les meir her.

Robert Smith-Hald vitjar Fusa med sitt trufaste orkester Fusa's Finest.