Bak banneret «Lik lønn for likt arbeid» på norsk og polsk utgjorde den polske kontingenten nesten halve demonstrasjonstoget på Leirvik, når Stord Skulemusikk og Eikanger-Bjørsvik Musikklag er haldne utanom.

— Dette er viktige spørsmål for oss. Og vi kunne ha vore langt fleire om ikkje mange av oss er innkvarterte i Ølen, seier Kristoffer Wardawa. Han kom til Aker Stord som gjestearbeidar og er no fast tilsett.

Les også: Intet nytt fra Andersen | Kort, men fyndig på Voss

For tida arbeider over tusen polakkar ved Stord-verftet i samband med innspurten på dei to boreriggane som i år skal leverast Aker Drilling.

— Anten dei er polske, norske, danske eller svenske gjeld parolen om lik løn for likt arbeid, seier Bent Jensen i Fellesforbundet på Stord. Han er spesielt engasjert for å ta seg av spørsmål knytt til dei mange gjestearbeidarane som Fellesforbundet for tida organiserer i Sunnhordland.

1.mai-feiringa på Stord starta med ei markering på morgonkvisten ved gruvearbeidarmonumentet på Litlabø og fellesfrukost på Leirvik før demonstrasjonstoget. Hovudtalaren, utdanningsdirektør Kjellbjørg Lunde var innom ei rad aktuelle tema, blant anna sa ho at forbruket i den rike delene av verda er vår tids svøpe.

POLSK DOMINANS: Den polske kontingenten verftsarbeidarar viste godt igjen på 1.mai-markeringa på Stord. Til venstre Bent Jensen og Kristoffer Wardawa i Fellesforbundet og Wadawas sambuar Nawojka Jurkiewicz.
Ove A. Olderkjær