Politiet fekk melding frå båten via nauddummer 112 litt etter klokka 10.

— Dei hadde ikkje radioutstyr, berre mobiltelefon. Å vere så langt til havs utan anna kommunikasjonsutstyr er heilt på grensa. Det var berre så vidt dei hadde dekning på telefonen, seier operasjonsleiar Trond Friberg i Haugalandet og Sunnhordland politidistrikt.

Båten var gammal og hadde berre eit lite styrhus. Det var både vind og sjø i området.

Redningsskøyta "Det Norske Veritas" gjekk ut, og klokka 11.43 var havaristen tatt under slep.