Politiet fekk kvart over fire i natt melding om ei trafikkulykke i sentrum av Norheimsund. Ei kvinne i 60-åra hadde køyrd inn i ein mur i Nedre Norheim.

Kvinna hadde pusteproblem og blei sendt med ambulanse til sjukehuset på Voss. Mannskapa på ulykkesstaden melde om at det lukta alkohol av kvinna.

Ein patrulje er difor dratt til sjukehuset for å promilleteste kvinna, seier operasjonsleiar Preben Wallestad ved Hordaland politidistrikt.

Kvinna skal ha vore åleine i bilen.

Sjukehuset på Voss har i morgontimane ikkje lagt ut noko melding om tilstanden til kvinna.