Ein mann er henta ut med helikopter etter ha køyrd seg fast i eit område med stor skredfare på Bavallen i Voss kommune. Det melder politiet på Twitter, laurdag ettermiddag.

Mannen skal ikkje vere skadd.

Eit vitne BT har snakka med såg korleis mannen køyrde utfor i eit svært bratt terreng. Mannen var saman med ein annan person, og køyrde utfor løypene på Bavallen.

— Dette er eit område der ein ikkje kan køyre på ski. Den eine av dei to såg at det var for bratt og stansa. Den andre skulle truleg og svinge inn, men det var så bratt at han forsvann ned fjellsida. I alt skrei han nok nærare hundre meter ned, over fleire småhopp. Det siste stupet er mellom ti og femten meter fritt fall, seier vitnet, som kontakta 113 så snart han såg dette.

Mannen skal ha landa i mykje snø, og kom difor frå det utan skader. Han blei likevel sitjande fast, og kom seg verken opp eller ned.

Luftambulansen måtte difor hjelpe mannen ned.