Ulukka skjedde like før klokka 15 måndag.

Mannen si søster fann han i basenget med andletet ned. Det er usikkert kor lenge mannen har lege i vatnet.

— Han hadde ingen pust, men puls, seier operasjonsleiar Reinert Sørgård i Sogn og Fjordane politidistrikt.

Mannen vart sendt med luftambulanse til Sentralsjukehuset i Førde. AMK opplyser at nordmannen har lettare skadar.

Han er framleis innlagt på akuttmottaket, men vil verta flytta til vanleg sengepost.