— Ein person er stadfesten omkomen. Mannen er frå Polen, seier operasjonsleiar Wenke Hope i Sogn og Fjordane politidistrikt klokka 20.

Den omkomne er i byrjinga av 20-åra - fødd i 1987.

Rett før klokka 18 blei politiet varsla om at ein person hadde falle utfor Låvisfossen i Aurland.

Ambulanse, luftambulanse, politi og dykkarar rykka ut.

— Den uheldige turisten er lokalisert. Vi har ikkje detaljkunnskap om tilstanden, men det ser ikkje bra ut, sa operasjonsleiar Leif Bell i Sogn og Fjordane politidistrikt til bt.no klokka 18.35.

Sklei og fall 50 meter

Mannen var på biltur saman med tre andre kameratar i Norge.

— Dei stoppa i ein sving i Låvisberget og gjekk ut for å sjå på fossen. Ein av dei gjekk eit stykke oppover frå svingen til eit svaberg. Der var det vått på grunn av fossesprut, og mannen glei og falt ut i fossen, seier politiførstebetjent Helge Øvstetun i Årdal lensmanndistrikt til bt.no sin journalist på staden.

Det er 50 meter ned i kulpen der mannen landa. Kameratane blir no tekne hand om av eit kriseteam i Aurland.

Omlag klokka 19.30 blei mannen henta opp frå juvet. Den omkomne er no køyrt vekk i gravferdsbil.

Det var ein av kameratane, ein franskmann, som meldte frå om ulykka til politiet.

— Kort tid etter kom ein lokal bussjåfør forbi som hjalp oss med meir informasjon, seier Bell.

Røde Kors

Aurland Røde Kors Hjelpekorps vart kalla ut til redningsaksjonen.

— Me har fått beskjed om at ein person er sakna. Me er på veg til Rv 50 ved Vassbygdi, sa korpsleiar Steinar Grønsberg til bt.no tidlegare i kveld.

Han fortalde at ein person frå hjelpekorpset var på staden.

— Men det er lite han får gjort åleine.

Arne Hofseth
Arne Hofseth
ARNE HOFSETH
ARNE HOFSETH