Vinmonopolet opnar nemleg prøvedrift av ni polfilialar i utkantkommunar.

Dermed får blant anna Luster i Sogn gleda av ein liten butikk på kring 25 kvadrat som skal selje vin, sprit og sterkøl. Butikkane skal vere ein eigen del av ein vertsbutikk, ikkje ulikt korleis Posten har utsal hos den lokale kolonialen.

Det er butikkens eigne folk som skal stå for salet, men opningstida blir likevel ikkje 9-20. Lustringar, løtingar, drangedøler og vanylvingar må passe på å handle innanfor ei opningstid på 10-12 timar — i veka.

Dersom prøveordninga blir vellykka, kan det bli starta mellom 70 og 90 filialar i løpet av dei komande åra, i følgje Helse- og omsorgsdepartementet.

PÅ VEG: Snart kjem vinen til Luster.