I lakk, string og netting frå ein av byens erotikkutsal laga mannskapet på Paradise live-boat eit lurveleven utan like med megafon, pisk og batong. På Vågen padla bygg og anlegg på harde livet mot reiselivsbransjen, mens speakeren heia dei fram med heftige tilrop.

Dragebåtfestivalen er ein av årets største firmafestar, og i år er arenaen flytta heilt inn mot Zachariasbryggen att. Årets festival er den 12. i rekkja. Oppslutninga om dragebåtfestivalen er noko redusert dei siste åra. Dei beste åra var det over 100 lag med, i fjor var det 85, og i år er det påmeldt rundt 50 lag.

SJARMOFFENSIV: Gjengen frå Paradise loveboat satsa knallhardt og vant Best in Show.<br/>Foto: EIRIK BREKKE