Mannen var på veg frå Bergen mot Voss på E16, og var åleine i bilen då ulukka skjedde. I Hyvingstunnelen har han mist kontrollen over bilen og køyrt i fjellveggen.— Vi veit enno ikkje årsaka til ulukka, seier lensmannsbetjent Edvin Kaldestad ved Voss lensmannskontor. Ingen andre bilar var involvert i ulukka. Mannen blei frakta med ambulanse til Haukeland Sykehus, og skal ifølgje politiet ikkje vere alvorleg skadd, slik dei første meldingane tyda på. Det oppstod køer forbi ulukkesstaden i tida etter ulukka, men trafikken går no som normalt. BTs nettutgåve melde først at fleire personar skulle vere sjokkskadd etter ulukka. Dette viste seg seinare ikkje å vere riktig.