Statsadvokaten i Sogn og Fjordane og Møre og Romsdal har teke ut tiltale mot føraren av den eine bilen i dødsulukka på Bryggja i Vågsøy skjærtorsdag i 2012, skriv Fjordenes Tidende.

Seksbarnsmor omkom

Den danske vikarlegen i 40-åra kom frå nattevakt på Nordfjordeid då han kolliderte front mot front med ein møtande bil på Rv 15. Den kvinnelege føraren i den møtande bilen mista livet i ulukka. Kvinna etterlot seg seks barn.Påtalemakta meiner at Mercedesen, som kom i retning Måløy, kan ha hatt en fart på mellom 125 og 145 kilometer i timen då den i 80-sonen kom over i feil kjørefelt og trefte bilen der den polske kvinna og ein passasjer sat.

Hadde promille

I tillegg har Folkehelseinstituttet rekna ut at legen har hatt ein promille på 0,5 som en følgje av medikament. Mannen blei alvorleg skadd, men overlevde ulykka.

Han er tiltalt for brot på straffeelova paragraf 239 som betyr uaktsamt bildrap med ei strafferamme på inntil seks år. Han er også tiltalt fror brot på vegtrafikklova sin paragraf 31 for ikkje å ha vore aktsam, og for å ha køyrd i rusa tilstand.

— Han har det tøft og tek det tungt. Dette har vore ei enorm belasting. Han er svært lei seg i tillegg til å ha fysiske plager etter ulukka, seier den tiltalte sin forsvarar, advokat Paul-Inge Angelshaug til Fjordenes Tidende.