Hanne Heszlein-Lossius og artist Marthe Valle som var initiativtakarar til kveldens markeringa for Gaza-ofra.

— Me minnast alle som vart drepne, og me jobbar for at blokaden og beleiringa av Gaza vert oppheva. Det har vore ei brei solidaritetsmarkering med støtte frå venstre og høgre i politikken, fortel Heszlein-Lossius.

Fullsett kyrkje

Korskirken var fullsett med 5-600 menneske, der mellom anna William Hut, Fredrik Saroea i Datarock, Thea Lindtner Næss,Karoline Krüger og Helge Jordal stod for underhaldninga. Bergensordførar Trude Drevland og Gaza-legen Mads Gilbert deltok via videohelsingar.

Etter markeringa i kyrkja vart det lagt ned over 500 roser på Den blå steinen. Ei for kvart drepne barn i konflikten. Det var rundt 50 norske og palestinske barn som la ned blomane.

— Me ville gi folk eit innblikk i kor mange barn som har mista livet i krigen. Det har vore ein grufull sommar, og no er det våpenkvile. Men det er framleis viktig å jobbe for å slå ring om folket i Gaza, seier Heszlein-Lossius.

— Det har vore ein fantastisk innsatsvilje.

Jobba i Gaza

Legestudenten Heszlein-Lossius har sjølv vore i Palestina fleire gongar. Ho var i Gaza i sommar rett før krigen braut ut, då ho dreiv med medisinsk solidaritetsarbeid saman med den profilerte legen Mads Gilbert.

— Etter at eg kom heim kjende eg veldig på at eg hadde lyst å gjere noko, seier ho.

Ho fortel at blomsterbutikken Lyssand blomster i Os donerte alle rosane til markeringa.

Korskyrkja var fullsett under kveldens Gaza-markering.
Rebekka Lossius