På programmet står – i år som i fjor – ein film frå Raftostiftelsen i Bergen.

Dei har valt å bruka film som medium når dei skal formidla inntrykk frå, innsikt i og kunnskap om land der Rafto-prisvinnarane høyrer heime.

Den første handla om uighurfolket i Xinjiang-provinsen i Kina, folket til Rafto prisvinnar Rebiya Kadeer. I 1999 fekk Gennady Grushevoy frå Kviterussland Raftoprisen.

Og den andre filmen, som skal visast i Fusa, har tittelen ” Belarusian Waltz” (Kviterussisk vals).

Med humor og brodd presenterer den polske regissøren Andrzej Fidyk performance-kunstnaren Alexander Pushkin sine aktivitetar i Kviterussland, landet som vert kalla Europas siste diktatur. Pushkin prøver å bryta politiske tabu på sin måte og kjempar for individet sine rettar. Med diverse offentlege stuntas gjer han narr av og utfordrar president Lukasjenko, som har hatt makta i Kviterussland sidan 1994. Filmen er produsert av Piraya film.

Iver Ørstavik frå Raftostiftelsen kjem og fortel om filmen og menneskerettssituasjonen i Kviterussland. Han lovar ein flott, subjektiv og provoserande film. ”Kviterussisk vals” er nominert til fleire prisar.

(Inng.p. kr 50, born/student kr 25)

Arr. Fusa Amnesty & Fusa folkebibliotek

Ella Marie Brekke Vangsnes