Det var klokka 11.31 at kvinna sjølv ringde politiet og varsla om at ho var blitt truga av ein mann med øks ved bybanestoppet på Danmarks plass.

— Det skal ha oppstått ein krangel mellom dei to. Mannen dro plutseleg fram ei øks. Han skal ikkje ha påført kvinna noko skade med øksa, men ho fekk eit slag i andletet og i auget før ho kom seg unna, seier Frode Kolltveit i Hordaland politidistrikt.

Sendt til legevakt

Kvinna kom seg sjølv på bybana og tok den til sentrum. Der blei ho tatt hand om av politiet og ambulansepersonell.

— Ho var hoven i andletet, men ho var ikkje tilsynelatande alvorleg skadd. Ho er sendt til Bergen legevakt for ein sjekk, seier Kolltveit.

Arrestert på Danmark splass

Den mistenkte mannen i 40-åra er ein kjenning av politiet.

— Me kjenner ikkje bakgrunnen for hendinga, men mannen er tatt med til politistasjonen. Me vil truleg avhøyre han i dag, seier Kolltveit.

Både fornærma og mistenkte er etnisk norske, ifølgje politiet.