Tips eller bilder? Send MMS/SMS til 2211, eller skriv e-post

Det var klokka 10.31 at politiet fekk melding om ulukka som skal ha skjedd i ei 80-sone ved Rolfsvåg.

— Kvinna i 60-åra skal ha gått tur med hunden sin langs vegen og blitt påkøyrd av ein personbil, seier Janne Steimler Sætre i Hordaland politidistrikt.

Kvinna er køyrd med ambulanse til akuttmottaket på Haukeland sjukehus.

— Det er ingen teikn til ruskøyring, men me har gjort midlertidig beslag av føraren sitt førarkort, seier Steimler Sætre.

I ei pressemelding skriv Haukeland sjukehus at kvinna er lettare skadd.

— Årsaka til ulukka skal ha vore at hunden plutseleg skal ha gått for langt ut i vegen. Sjåføren klarte ikkje å styre unna tidsnok, seier Steimler Sætre.