Tilstanden til kvinna er alvorleg, men stabil, opplyser Haukeland Universitetssjukehus. Kvinna får no behandling ved intensivavdelinga på sjukehuset.

Utforkøyringa skjedde på Moskog ved Førde. Politiet fekk melding om ulykka klokka 01.48.

— Det var ei 18 år gammal kvinne som køyrde bilen. Dei andre fire er også ungdommar, seier operasjonsleiar Kjell Fonn i Sogn og Fjordane politidistrikt.

Dei andre ungdommane blei rutinemessig undersøkt, men skal ikkje vera alvorleg skadde.

Ein av ungdommane sat fastklemt i ulykkesbilen.

— Klokka 02.15 var personen frigjort, seier Fonn.

Både politi, ambulanse og luftambulanse rykka ut til ulykkesstaden.