Ein føremiddag i oktober i fjor, trakk mannen opp ein jaktkniv og hogg fleire gongar mot ei vindaugsrute på ein varebil kor Steven James Kendrick sat innanfor.

– Eg kjende meg utrygg, og sat inne i bilen så eg kunne ikkje lett forsvara meg, fortalde Kendrick til Sunnhordland etter hendinga.

Fekk ikkje medisin

I forkant av dramaet skal tiltalte ha møtt på MARIS-prosjektet sterkt rusa, og blei nekta medisin. Han gjekk så og kjøpte seg to knivar. Deretter gjekk han til Essostasjonen på Stord, kor han skulda Kendrick for nesten å ryggja på han. Ifølgje vitne stemte dette ikkje.

Tiltalte prøvde å opna bildøra, og Kendrick måtte halda ho igjen med makt, då døra var i ustand og ikkje kunne låsast. I neste sekund drog tiltalte opp ein samekniv, og slo fleire gongar mot bilvindauget med skaftet.

I rettssaka blei stordabuen også dømt for fleire andre forhold. Mellom desse var ei hending frå juli i fjor, då tiltalte slo og tok kvelartak på ein mann. I desember same år fortalde han tilsette i Nav at han kom til å slå saksbehandlaren sin neste gong han såg ho, fordi han ikkje fekk utbetalt pengar.

Kranglevoren med kniv

Då ein mannleg sjukepleiar ved Stord kommune sitt MARIS-prosjekt reserverte seg mot å tildela mannen medisin i mars i år, knakk tiltalte ei biljardkølle og løfta han mot sjukepleiaren som for å slå.

I april i år var tiltalte i heimen sin saman med ei kvinne og ein mann, og knivstakk den andre mannen i skuldra utan forvarsel medan vedkomande skulle setja på ein CD. Kvinna prøvde å slå kniven ut av handa på tiltalte, og fekk eit slag i ansiktet.

Trettiseksåringen er dømd til ni månader fengsel med fråtrekk av 120 dagar varetekt. Han må betala den skadde kvinna 5.300 kroner i oppreisingserstatning. Tiltalte har tilstått enkelte forhold i tiltalen.

Stordabuen er domfelt 12 gongar tidlegare

Les meir her: Pågreip knivmann