Kalk vil fjerne lukta

Vanleg huskalk, ikkje vatn, er det som skal til for å fjerne lukta i Sløvåg, seier kjemiprofessor.

I går var kjemiprofessor Jon Songstad på synfaring på anlegget til Vest Tank i Sløvåg. Han var invitert dit av selskapet, for å gje råd til korleis dei kan bli kvitt lukta som framleis kjem frå anlegget.

Han avviser at regn eller spyling kan fjerne dei illeluktande svovelstoffa.

- Det blir berre å utsetje kløen. Dette er stoff som er lite løyseleg i vatn, seier han.

Songstads råd er difor i første omgang å kalke området med vanleg hagekalk.

- Det gjer slike tungtoppløyselege midlar lettoppløyselege, seier han.

Ei anna løysing er å spyle med klorinvatn, i prinsippet det same som du brukar i badebasseng.

Songstad seier lukta er konsentrert om sjølve eksplosjonsstaden, og ikkje i fjellet og skogen bak.

- Det primære no er at Gulen treng hjelp. Faktum er at norske statsborgarar har krav på eit betre liv enn dette, seier Songstad, etter at han var seks timar i området.

Dagleg leiar Jostein Berland i Vest Tank seier dei vil vurdere forslaget om å kalke i dag.

Han seier dei allereie har fjerna veska som var att etter eksplosjonen, og at dei er i ferd med å sende ho vekk. Han meiner uansett at det ikkje er særleg lukt andre plassar enn nede på sjølve området.

BT skreiv i helga at SFT ikkje har fått melding om tankbåten «Probo Emu», som var ved anlegget då dei to tankane eksploderte i mai.

Berland seier dei no har gått gjennom saka, og at dei hadde alle naudsynte løyver. Han seier Vest Tank berre reingjorde skipstankane, og at volumet av avfall var lite.

- Det var berre det som var i botnen av tankane, seier han.

Berland seier han ikkje veit kvar skipet i så fall har lossa det kontroversielle avfallet.

Les også:

Kommentarfeltet støtter ikke IE8. Vennligst oppgrader eller bruk en annnen nettleser.

Velkommen til debatt i Bergens Tidende. Vi setter pris på sterke meninger. I våre kommentarfelt er det høyt under taket, men vi tolererer ikke trakassering, trusler eller hatefulle meninger. Vis respekt for andre debattanters meninger, etnisitet, religion og legning. Husk at mange leser dine ytringer her på bt.no. Tenk derfor nøye gjennom hvordan du ønsker å fremstå. Du må skrive under fullt navn.

Vennlig hilsen Gard Steiro, sjefredaktør.

Siste fra Lokalt

Bilder