Cross over, seier Anniken Rokne i Festival Voss. Prosjektleiaren har slikt som oppgåve, å laga samarbeidsprosjekt mellom mylderet av festivalar og tilskipingar på Voss.

– Hardingfele og trommer er ingen vanleg kombinasjon, poengterer Rokne.

Det er enda mindre vanleg at fele og trommer akkompagnerer både hallingdans og oppvising på trampoline.

Og det er heilt uvanleg at slikt skjer midt inne i folkemylderet på ei stor fotballturnering.

Imponerte

Fotballpublikum let seg imponera, både av felespelar Arne Anderdal, trommis Kåre Opheim, hallingdansar Gjermund Bråthen, som også er på landslaget i snowboard, og kule skiakrobatar frå Voss Freestyleklubb på trampoline.

Sistnemnde måtte læra av dei andre å takka for applausen med unison bukking. Det gjekk bra på tredje dacapoen.

Fast ordning Festival Voss tek mål av seg å få til såkalla cross over–innslag i dei aller fleste festivalane og andre store tilskipingar på Voss.

Største prosjektet til no er ekstremkonserten ved Vangsvatnet under Vossa Jazz. Der sette krefter frå fleire andre tilskipingsmiljø ekstra farge på jazzfestivalen.

I dag var det Voss Cup som vart «invadert», med to framsyningar på grusbanen midt i området for fotballbaner.

Anderdal kjem frå Osafestivalen, Opheim frå Vossa Jazz og freestylarane har hatt World Cup-tilskiping i Myrkdalen i vinter.

Sjå Voss cup direkte:

ARNE HOFSETH
ARNE HOFSETH