Den «nye» kafeen får svarte bordbein. Det syter dei nye kafedrivarane og ein liten dugnadsgjeng for. Også resten av interiøret får einsarta preg.

– Det blir ein del målingsarbeid, men vi blir ferdige til opninga måndag, seier Sigrid Gjerde, som no er blitt sjef.

Ho har med seg Lisbeth Hirth og Randi Ullestad, som også har vore kafejenter på «Indremisjonen», og Anette Sæther Tolås, som har ført rekneskapen

Ommøblering

Innreiingsmessig er største endringa at barnekroken vert flytta til andre enden av lokalet.

– Ny meny?

– Det dukkar nok opp noko nytt, men stamgjestene må berre ta det med ro; vi skal ha fleskepannekaker på onsdagar og raspekaker på torsdagar, nett som før, lovar Gjerde.

– Og ingen alkoholservering?

– Nei, dette er eit vigsla hus, og vi må ha respekt for huseigaren, seier ho.

Leige

Dei fire tilsette leiger kafelokalet av huseigaren VIMI, eit selskap eigd av Indremisjonen.

Dei tilstøytande selskapslokala får dei leiga etter behov. Her skal også Indremisjonen halda til med sine eigne tilskipingar, og kunne driva eiga utleigeverksemd.

SVARTMÅLING: Dei gamle fargane er gøymt av kvit grunning. Lisbeth Hirth (t.v.) og Randi Ullestad syter for at stolbeina blir svarte.
Arne Hofseth