Verkar du etter å få på deg ski og snøbrett? Ventetida er over. Nokre stader.

Fleire av dei store alpinanlegga i landet opna denne helga.

Men i Myrkdalen gjekk sesongstarten i vasken.

— Me hadde meint å opne i dag. Men det har vore for mildt. Difor har me ikkje fått nok snø nedst i anlegget, seier Nils Akselberg, dagleg leiar i Voss Fjellandsby.

Opninga blir utsett til fredag. Då blir det festivitas og avduking av den nye sekssetars stolheisen.

- Viktig å starte tidleg

I mellomtida kan dei mest ivrige ta turen over fjellet. I Hallingdal, for eksempel, finst det moglegheiter. Både Geilo og Hemsedal har fleire opne nedfartar.

— Dei to siste åra har me opna i midten av november. Det er viktig å starte tidleg, blant anna for å koma i avisene. Og ikkje minst fordi folk er så lystne på å koma seg på ski. Det er skikkeleg trøkk no med folk som spør om når me skal opne og kva som er nytt i år, fortel Akselberg.

Når kjem snøen?

Dei andre alpinanlegga i distriktet ligg lenger bak i løypa. Voss Fjellheisar planlegg opning 29. november, Røldal og Eikedalen skal vera klare 6. desember, mens Kvamskogen satsar på sesongstart i romjula.

Oppdaterte snørapportar kan du finne på skiinfo.no.

Vêrvarsel der du bur: Prøv vår nye vêrteneste!

Sjekk webkamera: Bavallen | Fedje | Finse | Flåm | Fløyen | Helleneset | Eikedalen | Stryn | Voss | Vågen

SEIMEN.NO