Lokalavisa skreiv i fjor sommar om korleis Schäffer ikkje vart innkalla eller fekk referat frå møter om flyktningarbeidet i kommunen, og korleis flyktningane skreiv brev og bønnfalt kommunen om å behalde han.

I vinter søkte Schäffer den faste stillinga som vart utlyst då prosjekttida gjekk ut, men utan å nå opp. Ei heller fekk han jobben då vedkommande som vart innstilt takka nei. I staden vart Scäffer tilbydd eit halvt års engasjement, og han kjem til å forlate kommunen når dette går ut i sommar.

Bremanger har rundt 60 flyktningar av ei rekke nasjonalitetar blant sine 4168 innbyggjarar.

Fleire instansar rosar tyskaren for jobben han har gjort blant flyktningane, og flyktningane sjølv har i brevs form bønnfalt kommunen om å behalde Schaffer.

Ein av dei som har hatt mykje med Thorsten Schaffer å gjere i arbeidet er skulesjefen i Bremanger, Gunnar Skjølberg. Han seier det slik:

— Thorsten har vore ein svært nyttig og lønsam person for kommunen. Han er språkmektig, kjenner dei ulike kulturane og stiller alltid opp. Han har fått folk bort frå sosialhjelp og ut i arbeid. For oss skulefolk er det spesielt verdfullt at han har fått flyktningbarna inn i barnehagar og SFO, seier Skjølberg, som knapt kan få rosa tyskaren nok.

Denne veka er Schäffer tilbake i Tyskland, på utkikk etter nytt arbeid der.