Neste mandag startar den nye busstenesta frå nord i fylket.

På kvardagar skal bussen gå åtte gonger mellom Mongstad og Flesland.

Passasjerane må bestilla billettar på internett for å bli med.

— På denne måten er vi sikre på at alle har plass. Og så treng vi ikkje bruka tid på stoppestader der ingen skal vera med, seier Stig E. Mjøs i Royal Turbuss as, som står bak tilbodet.

Også Åsane

Første avgang er klokka 0450 frå Mongstad.

Det nye tilbodet vert kalla FlybussBergenNord.no .

Bussen kan stoppa på alle haldeplassar på vegen Mongstad, Lindås, Isdalstø, Knarvik Skysstasjon og Flatøy, skriv selskapet i ei pressemelding.

I Åsane vert Åsane Terminal einaste stoppestaden.

Hordaland Fylkeskommune har gjeve selskapet konsesjon for å driva flybussruta frå Mongstad.

Er du glad for den nye flybussen? Sei di meining.