ARNE HOFSETHarne.hofseth@bt.no Spritligaen hadde greidd å smugla i land 20 skipslaster med ufattelege 468.400 liter 96% sprit i Ålvik, og dessutan 16.000 liter over svenskegrensa på Svinesund, meiner politiet.Men så ville 33-åringen overta sjefsrolla. Ein 57-åring frå Leirvik på Stord vart sett utanfor, og ein skipslast med 15.000 liter sprit hadde kurs for Sykkylven på Sunnmøre. — Der vart den ulovlege verksemda avslørt, og heile ligaen rulla opp, fortel politiinspektør Jogeir Nogva i Sunnmøre politidistrikt til Bergens Tidende. Ein dømt - ni tiltala Ein mann er dømt i forhøyrsretten til eitt års fengsel utan vilkår. Ni er tiltala, og skal møta i Oslo byrett 18. april.Seks tiltalte spritdistribitørar på Austlandet må møta i Indre Follo herredsrett 7. mai. Tre av dei har etter påtalemakta si meining teke hand om 16 vogntoglaster med sprit frå Ålvik.33-åringen, og dei andre som var med på alle smuglartokta, er tiltala for ulovleg innføring av tett oppunder ein halv milliard liter sprit.For eit slikt kvantum skulle dei ha betalt 326 millionar kroner i toll og avgifter. 130 kroner literen Politiet i Halden reknar med at gjengs engros-pris på sprit her i landet er 130 kroner literen. Konsumentprisen er estimert til 300 kroner literen.Har smuglarane oppnått gjengs engros-pris, kan dei ha håva inn over 60 millionar kroner, skattefritt. Men mykje av spriten vart kverrsett av politiet då distributørane austpå vart tekne.- Vi kjem til å legga ned påstand om at dei tiltalte, i tillegg til fengelstraff, må tola inndraging av fortenesten dei beviseleg har hatt på den ulovlege verksemda, seier Nogva til Bergens Tidende.Ei røff summering tilseier at rundt 25 millionar kroner kan bli påstått inndrege. Av dette kan 33-åringen bli dømt til å bidra med ni millionar kroner.