Erling Lægreid var mest kjend som kåsør og programleiar i NRK, der han hadde ansvar for ei rekkje kulturprogram.

Lægreid var fødd 5. september 1939 i Årdal og døydde 25. november 2011. Av utdanning var han filolog med hovudfag i norsk ved Universitetet i Oslo i 1965. Storparten av sitt yrkesaktive liv var han i Norsk Rikskringskasting, der han var tilsett frå 1970 til han gjekk av i 2009. Han starta i Barne— og Ungdomsavdelinga, der han mellom anna var programleiar i Ungdommens Radioavis og ungdomsprogrammet Flimra i fjernsynet. Seinare var han først og fremst å høyre i radio, der han gjennom ei årrekkje var programleiar for Søndagsavisa på P2. I 1990 var han med på å starte opp nyhendemagasinet Dagsnytt Atten.

Som kommentator og kåsør var Lægreid kjent for skarpe og provoserande meiningar, iblanda kvasse ironiar, uttrykt i eit ordrikt og til tider grovt språk, og der humor og gravalvor gjekk om kvarandre.

Lægreid har og gjeve ut fleire bøker, mellom andre den humoristiske Då Noreg gjekk av skaftet, Hogg i 80-åras elleville historie (1993), kåserisamlinga Bak maska (1994) og Han (2006). I 2006 blei han tildelt Amboltprisen under poesifestivalen i Ulvik.