Eitt av stunta vart i overkant dristig. Bunadskledde Even Rokne hadde skifta ut fallskjermen med speedskjerm og slalåmski, og kasta seg ut frå Hangur. Publikum snappa etter pusten der han kom susande gjennom lufta i brå svingar, og ikkje minst då han gjekk inn for landing på kulturhustaket, litt for lågt.

— Han hekta i målporten, ville alpinistane ha sagt.

— Han raila på toppen av gjerdet, ville superimponerte freestylarar ha sagt.

— Eg greidde så vidt å få skiene innanfor, dermed unngjekk eg å bli dregen utfor då vinden tok tak i skjermen, seier han sjølv.

Rokne hamna på innsida, og kunne reisa seg – like heil. I rekke og rad landa fallskjermhopparar, speedglidarar og ein hangglidar i snøen ved Vangsvatnet, levande kommentert av Arne Hjeltnes. Men ordførar Gunn Berit Lunde Aarvik som skulle fly tandem paraglidar, fekk flyforbod i den vanskelege vinden.

Artikkelen held fram under videobildet.

Kulturell eld

Fem fakkelberarar med fylkesmann Lars Sponheim i spissen, stod for den offisielle opninga ved å tenna den kulturelle elden på vestsida av huset.

— På Voss byggjer ein opp landets beste kulturbygd først, og så reiser ein kulturhus etterpå. Andre skader byggjer ein kulturhuset først, og så blir det så som så med kulturen, sa Sponheim.

Deretter bar det inn i den nye storstova på Voss til omvising og Linda Eide-show.

Seinare i kveld blir det variert program, med kulturprogram i den største salen som høgdepunkt.

Var du på opniga? Fortel kva du tykkjer.

DRAMA. Vossingane fekk seg ein støkk då Even Rokne kom fykande. FOTO: Rune Sævig.
FAKLAR OG EKSTREMSPORT. Kulturhuset er åpna slik berre vossingane kan gjera det. FOTO: Rune Sævig.