Dødsbrannen i Mølletundet i Førde var truleg påsett.
Iføløgje ei pressemelding frå lensmannen i Førde, ser politiet det
som sannsynleg at det er kvinna som sjølv har tent på. Både den taktisk
etterforskinga og tekniske funn peikar i retning av at kvinna sjølv var
brannstiftar.
Politeit vil førebels ikkje seie noko meir konkret om kvar brannen
tok til. Som tidlegare meldt på bt.no har vitne i avhøyr forklart politiet at
rommet der kvinna budde saman med son sin, var einaste staden i
bustadbygget at det hadde vore open eld.
Kvinna og guten blei begge redda ut av folk som kom forbi og
oppdaga at det brann måndag ettermiddag. Begge var kritisk skadde, og blei
overførte til brannskadeavdelinga på Haukeland. Her døydde kvinnna tysdag kveld
og sonen tidleg onsdag.
Den 24 år gamle kvinna kom opprinneleg frå Sri Lanka. Faren til den nesten to år gamle guten er kurdisk asylsøkjar.
- Han har vore i Bergen mens kvinna og barnet låg på brannskadeavdelinga, fortel lensmann i Førde, Jan Egil Tvinde.
Bygningen som brann vart brukt av eit mottakssenter for asylsøkjarar.
FRAKTA TIL BERGEN: Mor og son vart frakta til brannskadeavdelinga ved Haukeland sykehus.
