For midt i vegen låg plutseleg ein stor stein.

Runar Hestvik Grimelid (17) var søndag på veg heim frå nokre kompisar på Gjeldsvik på mopeden sin då han kom over steinen på fylkesveg 609 ved Skorvetunnelen ved Selvika.

Det var firda.no som først omtalte saka.

— Skvatt

— Eg kom køyrande og såg denne steinen, så då måtte eg berre stoppe og ta bilete. Han var om lag 1,5 meter høg og låg på høgre side av vegen, seier han.

— Eg skvatt litt. Det var litt sånn oi, kva er dette for noko?

Heldigvis låg steinen på ei ope strekning med god sikt, så ein fekk auge på steinen i god tid.

— Men det er jo litt skummelt med tanke på at det kan kome fleire, seier Runar.

5 tonn

Vegtrafikksentralen fekk melding om steinen klokka 15.16 på søndag.

— Det var ein del som ringde om han, men eg høyrde ikkje om nokon som ikkje klarte å passere, seier trafikkoperatør Ketil Molvær i Vegvesenet.

Steinen var stor, fortel Molvær - omlag fem tonn, og lot seg ikkje flytte med traktor.

— Klokka 16.13 vart han fjerna, seier trafikkoperatøren.