Ifølgje avisa blir det dyrka hamp på eit område der barn og turistar dagleg vandrar rundt.

Georg Hansen, kontaktperson for Vikinglandsbyen i Gudvangen, forsikrar overfor Sogn Avis at dette ikkje har noko med rusmiddel å gjere. Hansen forklarer at det ikkje er meininga å dyrke tobakk eller rusmiddel av planta. Planta blir brukt til matlaging, plantefarging og tekstil, påstår han.

Hansen forklarer at urtehage var ein viktig del av oldtida, og at dei har laga ein tidsriktig urtehage frå mellomalderåra, og det er denne planta ein del av.

Politiadvokat Knut Broberg ved Sogn og Fjordane politidistrikt i Florø slår fast at det er ulovleg å dyrke cannabisplanter i Norge, uansett grunn. Men han legg til at han ikkje kjenner denne saka, og derfor ikkje kan kommentere denne konkrete saka.