Aksjonistane i Hardanger slo i dag til ved Fyksesund. På Klyve, like innanfor den kjende Fyksesundbrua, har Statnett sett opp eit riggområde der containerar i dag skulle hentast med helikopter.

— Våre folk har sett seg oppå containerane for å hindra at dei vert flytta, fortel Synnøve Kvamme. Likevel tok det ikkje lange tida før politiet var på staden og bar vekk dei som ikkje lydde påbodet.

— Aksjonistane vart fjerna fordi dei ikkje etterkom påbodet frå politiet, opplyser operasjonsleiar ved Hordaland politidistrikt, Morten Kronen til bt.no.

Luftspenn over

Botnafjorden som går inn ved Fyksesund, er ein av fjordarmane der kraftlina skal gå i luftspenn over.

— Gir oss ikkje

Synnøve Kvamme har fått 12 000 kroner i bot og skal møta i retten i neste veke etter tidlegare aksjonar denne sommaren.

— Eg er ikkje med på aksjonen i dag. Eg ligg lågt til rettssaka er ferdig, men eg kjem ikkje til å gi opp, seier ho.

_MG_0490.JPG
SYNNØVE KVAMME