Odda Energi AS og HardangerNett AS har signert ein rammeavtale med Asator Telekom AS for utbygging av eit fiberoptisk aksessnett i Oddas populære hytteområde.

Nettet omfattar mellom 600 og 700 hytter i Seljestad— og Røldal-traktene. Arbeidet startar til våren og vil gje hytteeigarane breibandtilgong til internett, telefoni, fjernsyn og videoleige.

Utviklinga av hyttefelta og leveransen av breiband skjer i samarbeid mellom Odda Energi, HardangerNett og grunneigarane. Avtalen med Astator Telekom – som har 36 tilsette på Stord, i Kvinnherad og Haugesund – gjeld i første omgong ut 2009, går det fram av ei pressemelding frå Asator.