Brannvesenet i Bergen fekk melding klokka 17.29 laurdag om brann i ei leilegheit på Mannsverk i Bergen.

Kring eit kvarter seinare var den sløkt.

— Skulle ha 40-årsfest

Brannen starta i ei leilegheit i fyrste etasje i lågblokka på fire etasjar.

MANNSVERK: Ambulanse og politi rykka óg ut til staden.
Kjetil Gillesvik

Både politi og ambulanse rykka ut til leilegheita. Då brannvesenet kom dit, skal det ha velta røyk ut frå soveromsvindauga. I 18.15-tida jobba kring 20 brannmenn på staden.— Alle hadde kome seg ut før me kom fram til staden, seier vaktoperatør Torkjel Helle ved 110-sentralen.

Folk BT har snakka med, fortel at dei heldt på å gjera klart til 40-årsfest.

— Eit stearinlys på soverommet tok fyr. Vi såg ingenting, seier en av dei evakuerte.

No er festen avlyst.

Tydeleg prega

Helsepersonell har teke hand om kvinna som bur på adressa. Ho var tydeleg prega, og ønskte ikkje å snakke med avisa.

— Brannen byrja på det eine soverommet. Det var mykje røyk, seier skadestadsleiar Bjørn Næs.

— Det var ein person som budde der. Ho tok seg ut sjølv. Det gjekk bra med henne. Ingen andre i huset vart evakuerte. Vi har fjerna nokre platar på veggen for å vera sikre på at det ikkje ulmar og spreier seg oppover, seier Næs.