Politiet i Sogn og Fjordane fekk melding om brannen i Florahallen i Florø sentrum klokka 18.53 fredag kveld.

— Det er stor røykutvikling ut ein vegg, og åpne flammar, seier operasjonsleiar Arild Stokkereit.

Brannbilar, politi og ambulanse er sendt til staden.

— Alle personane i bygningen skal vere evakuert, seier politiet.

Ingen skadde

Det var mange personar i hallen då brannen starta, fortel Jan Roar Hatlem, som sjølv var til stades.

— Ein skulle akkurat til å setje i gong ein 3. divisjonskamp mellom Florø og Fjøra, då røyken valt ut av huset.

Ifølge NRK Sogn og Fjordane var det over 100 personar inne i hallen i samband med fotballturneringa. Ingen skal ha kome til skade.

Klokka 20.12 var brannen slukka, opplyser politiet.

— Brannen starta i kioskområdet, og det foregår utlufting på staden, seier operasjonsleiar.

JAN ROAR HATLEM