Torsdag klokka 21.50 fekk politiet melding om ein mann som stod i ein hage på Frekhaug og onanerte. Meldaren ba mannen om å dra vekk, men vedkomande vart ståande med buksa nede.

— Kvinna var ikkje komfortabel med situasjonen og ringte politiet. Me hadde kontakt med ho nærast heilt til politiet kom fram, seier operasjonsleiar Kjersti Eidsnes.

Les også:

To dagar på rad

Klokka 22.08 vart den 58 år gamle mannen arrestert i nærleiken av kvinna sin hage.

— Ho hadde aldri sett vedkomande før. Det var inga kjekk oppleving for ei som var aleine heime, seier Eidnes.

Mannen skal vera ein kjenning av politiet. Seinast i går vart han arrestert for omtrent same høve. Då hadde han blotta seg på ein restaurant i Bergen sentrum.

Patrulje på staden

Politiet opprettar no melding på vedkomande og køyrer han til Bergen sentrum politistasjon.

Ein patrulje vart igjen på staden for å ta seg av den 21-årige kvinna.

— Ho tek det rimeleg greitt. Men det at han tek seg inn i hagen på kveldstid er ikkje noko hyggjeleg, seier operasjonsleiaren.