– Føraren melde seg til politiet, måndag føremiddag, seier politioverbetjent Glenn Ulrik Våge ved Nordhordland lensmannskontor til avisa Nordhordland.

Dei fire jentene i 12-13-årsalderen var ute i ein 14 fot stor Askeladd då dei vart rent i senk av ein større båt sundag.

Båtføraren meldte seg for politiet måndag etter at dei gjekk ut og etterlyste han. Han er i 50-åra og ikkje frå Nordhordland, ifølgje avisa.

Politiet tek avhøyr av mannen, og skal sidan sjå kva som skjer vidare.

Askeladden fekk store skadar i samanstøyten, og ei av jentene om bord vart køyrd til legevakt. Ho vart kraftig forslått då ho vart kasta rundt nedi båten.

Jentene forklarte at det var tre-fire ungdommar i båten som køyrde på dei.

Skadene på Askeladden viser at det var snakk om ein god smell, men overbetjent Våge seier det er vanskelig å vite kor stor farta var.