Det var 24 år gamle Dan Mikal Glesnes frå Stord ogTarjei Olai Lunde Gundersen (21)frå Haugesund som omkom i trafikkulukka på E134 mellom Ølen og Ølensvåg i 15-tida tysdag ettermiddag.

Kriseteam

Dei to arbeidskollegane var på veg heim frå arbeid då personbilen dei sat i truleg skar over i feil køyrefelt og trefte ein lastebil. Begge arbeidde i firmaet Haugaland Prosjektservice på Kolnes ved Haugesund, melder Haugesunds Avis.

Etter ulukka blei det etablert kriseteam i både Vindafjord, Haugesund og Stord, ifølgje Etne-lensmann Ingvar Gjærde.

Han opplyser at dei omkomne vil bli obduserte ved Gades institutt torsdag.

Snø og sludd

Føraren av lastebilen er fysisk uskadd. Det snødde og var sludd på europavegen då ulukka skjedde. Dei to kollegane i firmabilen køyrte vestover mot Ølensvåg då kollisjonen inntraff.

Køyretøya vil bli nærmare undersøkt av Vegvesenet, skriv Haugesunds Avis.