16-åringen som søndag vart skada i ei ulykke på Hodlekve skisenter søndag ligg framleis på Haukeland universitetssjukehus. Der opplys dei mandag i 14.30-tida at tilstanden er som søndag: alvorleg, men stabil.

— Eg kan stadfesta at det skjedde ei ulykke i skibakken i dag, seier driftssjef Knut Krogstad ved Hodlekve skisenter til bt.no søndag.

Leiar i Sogndal Røde Kors hjelpekorps, Arnor Navarsete, blei tilkalla til staden etter ulykka.

— Guten blei skadd i eit fall etter å ha hoppa på eit big jump. Han blei henta med luftambulanse og blei frakta til Haukeland Universitetssjukehus, seier Navarsete.

Akuttmottaket på Haukeland opplyser til bt.no at tilstanden til guten er alvorleg, men stabil. Han får no intensiv behandling ved sjukehuset.

Ulykka skjedde rundt klokka 13.30 søndag.

Hodlekve skisenter ligg cirka ei mil frå Sogndal sentrum.