- Topptrent skipensjonist mot sliten toppløpar
Verdscupvinnar Dario Cologna (23) blir utforda av skipensjonist Kristen Skjeldal (41) i Horgi opp i morgon. Og Kristen tek mål av seg til å vinne!
- Publisert: 17.apr.2009 06:00
- Oppdatert: 17.apr.2009 15:07
- Det blir ein topptrent skipensjonist mot ein sliten toppløpar. Ein skal
ikkje sjå bort frå at Kristen kan klare det. Han har sikkert trent godt til
dette rennet. Men Cologna har nok eit klart mål om å vinne, seier Fredrik
Aukland, den norske trenaren til årets sveitsiske verdscupvinnar.
Cologna vann også Tour de Ski og hadde såleis ein strålande sesong. Trenaren
seier at eleven dei siste to vekene har slappa av og køyrt alpint. Dei siste
dagane før han kjem til Voss i dag har han testa ski i Italia.
Skjeldal har toppa forma
Skjeldal derimot er i følgje rapportane i godt slag. Han har trent hardt
etter nyttår med tanke på å gå femmila i NM. Då vart han sjuk, og no har den
spreke, snart 42 år gamle, gymnaslæraren mykje energi som han skal ta ut i
verdas tøffaste motbakkerenn i langrenn.
- Er det realistisk at ein 41-åring som la opp for tre år sidan skal slå
verdscupvinnaren, Skjeldal?
- Hehe, når du brukar dei orda der, kan det verke vel optimistisk. Men eg
kjenner bakken og løypa. Eg er ikkje så sterk som i fjor, då eg vart nummer
to etter Anders Södergren. Men hugs at Södergren er av dei aller sterkaste,
så eg gjev ikkje opp håpet, seier skipensjonisten. Han er lærar i idrett på
Voss gymnas i 50 prosent stilling.
Noregscup neste år
Skjeldal er ikkje berre deltakar, han er også initiativtakar til Horgi opp.
Draumen er at rennet skal bli avslutninga i ein Tour de Nordic i verdscupen
i langrenn, etter modell av Tour de Ski. Den draumen lever vidare på Voss,
og første steg på vegen er at rennet 10. april neste år skal vere avslutning
i noregscupen i langrenn.
Cologna har med seg landsmennene Remo Fischer, Toni Livers og Curdin Perl til
Voss. Av norske løparar er det venta at Frode Andresen, Tore Ruud Hofstad,
Tor Halvor Bjørnstad, Sjur Røthe og Chris Jespersen kan kjempe i teten. På
kvinnesida er fjorårsvinnar Therese Johaug stor favoritt. Ho blir mellom
anna utfordra av Gro Marit Istad Kristiansen og Marthe Kristoffersen.
Omsetning på 500.000
Tore Nyborg i arrangementsleiinga seier at det ikkje er billeg å få
verdscupvinnar Cologna til Voss i morgon. Han vil ikkje kommentere summar.
- Det eg kan seie er at selskapet Horgi BA som er eigd av alle skiklubbane på
Voss, i år vil omsette for opp mot 500.000 kroner. I fjor var tilsvarande
sum 350.000, seier han.
Det er først og fremst sponsing som er inntektskjelda.
- Det kjem til å bli tidenes beste laurdag i anlegget til Voss resort. Med det
vêret som er meldt, blir det ein folkefest. Vi ventar 3000 menneske i
bakken, reklamerer Nyborg.
Han meiner det er realistisk at Skjeldal slår Cologna.
- Kristen er ikkje slutta å trene. Han har toppa forma og går på heimebane.
Ordføraren stiller
I bedriftsstafetten trør ordførar Gunn Berit Lunde Aarvik til med å gå den
tøffe start-etappen for Voss kommune.
- Den etappen er ekstremt bratt, og går frå botnen av Bavallen og opp til
«koffertløypa», fortel Tore Nyborg. Vekslinga skjer der spurtprisen vert
delt ut.
Åtte lag er påmeld i stafetten, som går over til saman ni etappar. Stafetten
starter ein time før konkurranseklassen.
Søk i skattelistene Topplister
Bilder
-
TIL VOSS I MORGON: Dario Cologna (23), verdscupvinnar i langrenn frå Sveits, landar på Flesland i kveld. I morgon deltek han i verdas hardaste motbakkeløp i langrenn, Horgi opp på Voss. Her frå verdscupavslutninga i Falun. FOTO: REUTERS FREDRIK SANDBERG (Foto) -
I GODT SLAG: Kristen Skjeldal vann Horgi opp i 2007. FOTO: RUNE SÆVIG S�vig Rune (Foto)
3 mest leste artikler »
-
Ble sendt hjem til søppelhaug
Alvorlig syk mann ble sendt hjem til dette huset. Sykehuset tar ikke selvkritikk.
-
Vestlandet på Google-kartet
Vestlandet er for alvor satt på Google-kartet. Se bildene her.
Vegrapport
-
Rv 7
Hardangervidda
-
Ev 16
Voss - Trengereid
-
Ev 16
Voss - Gudvangen
-
Rv 13
Granvin - Voss, ved Skjervet
-
Ev 134
Jøsendal - Røldal, ved Seljestad
Følg alle skip direkte
Bt.no har mange digitale tjenester. Her kan du følge skipstrafikken i Hordaland minutt for minutt.
På forsiden nå
- 19:13 Hvem jager Google med lystergaffel?
- 18:36 Slo samboer med jernstang
- 18:14 Politiet tar frem pisken
- 18:08 Økt volum, lavere gevinst
- 17:24 Full utrykning til handleveskebrann
- 17:07 Krasj på Minde
- 16:44 Innbrudd i Griegpark
- 16:17 Branns sesongkortsvikt
- 16:16 - Hvem satte fyr på seilbåten?
- 15:14 30 døde i snøskred i Afghanistan
Webkamera
Søk i skattelistene
Hva koster egentlig nabohuset ditt?
Her kan du finne det ut! Prøv vårt boligsøk.
