— Me har heile tida stolt på lovnadane frå Erna Solberg og Jan Tore Sanner, seier ordførar Jan Geir Solheim i Lærdal.

Han vart frå seg då regjeringa onsdag la fram revidert statsbudsjett.

— Eg er sint, overraska og skuffa, skriv ordføraren i ei pressemelding.

- Dei var krystallklare

Han peikar på at statsministeren dagane etter brannen peikte på at me har lange tradisjonar for at storsamfunnet stiller opp ved slike hendingar.

— Dei var og krystallklare på at me skulle få pengar til å bygge opp at Lærdalsøyri.

Då det kom avslag på ei a-kontobetaling på 5 millionar kroner, begynte ordføraren å ane uråd.

— Me har rett nok fått 4,8 mill. kroner for utgifter under sjølve brannen Men det var mindre enn me bad om og mesteparten gjekk ut at til alle dei som hjelpte oss, seier Solheim.

- Statsministaren svikta totalt

Etter at kommunen vedtok attreisingsprogrammet i mars sendte dei søknad om pengar med ein gong.

— Når statsministaren og regjeringa sviktar så totalt må me sette vår lit til Stortinget. Eg ber no om å få møte partia og komiteen. Det er snart fire månader sida brannen og me har teke på oss store utgifter i tillit til at dei løfta me fekk ville bli innfridd, seier ordføraren.