I går skreiv BT om den døde katten som vart funnen i eit bur i fjæra ved ein parkeringsplass mellom Vikadalen og Årdalstangen.

No seier lensmann i Årdal, Magne Knudsen, til Sogn Avis at katten skal ha vore død då den vart dumpa på fjorden.

Politiet er kome i kontakt med katteeigaren etter tips frå publikum.

— Vedkomande har stadfesta at katten blei dumpa i det aktuelle område, og at den vart avliva på ein korrekt og forsvarleg måte, seier Knudsen til avisa.

Kvifor katteiegaren har dumpa katten på fjorden etter avlivinga, har politiet framleis ikkje fått svar på.

Lensmannen seier politiet jobbar vidare med saka.

Katten vart sendt til Veterinærhøgskulen i Oslo denne veka til obduksjon.