• Det var kaldt og vått. Stort sett heile tida, seier Kåre Olav Farstad, den eldste av dei to montørane som satt verfaste i ei korg i natt.

Dei to arbeidarane vinka til dei frammøtte og såg ut til å vere i god form då dei kom i land på småbåthamna i Stryn.

Dei to firte seg sjølve frå kraftspennet og ned i ein båt som låg under. Den vellukka bergingsaksjonen kunne utførast etter atSea King helikopteret hadde greidd å levereklatreselar ned i korga.

— Gjekk heldigvis bra

Medan dei to gjekk inn i ein ventande ambulanse ved småbåthamna for å bli frakta til legesjekk i Stryn, heldt leiinga for redningsaksjonen ein improvisert pressekonferanse.

— Det var gledesscener då dei kom ned i båten. Dei var sjølvsagt kalde, men det verka som det varma å bli redda, fortalde Jan-Gunnar Hole, leder i Sunnmøre alpine redningsgruppa som tok del i bergingsaksjonen.

— Det kritiske punktetvar om helikopteret ville greie å få levert dei utstyret som var nødvendig for at dei skulle ta seg ned. Det gjekk heldigvis bra, sa Hole.

PÅ VEG NED: Dei to montørane firte seg ned frå korga sjølve.

— Kjipe greier

Dei to vedgår at det har vore ei lang og kald natt.

– Det var kaldt og vått. Stort sett heile tida, seier KåreOlav Farstad (31) til NRK Sogn og Fjordane.

– Kva tenkte de når de såg helikopteret prøve gong på gong,og at det måtte gje seg?

– Nei, det var ikkje nokon kjekk følelse å sjå helikopteretfare, seier Kristoffer Espelund (18) til NRK.

– Det var kjipe greier, rett og slett, seier Kåre OlavFarstad.

Han har litt erfaring med klatring frå før. Det har ikkje Espelund, som innrømmer at han var litt nervøs før han skulle fire seg ned frå korga.

– Ja, i det eg tippa meg utfor kanten, så var eg littnervøs, seier Espelund.

Meldt om lyn og torden

Etter at redningshelikopteret i føremiddag hadde gjort eit mislukka forsøk på å heise dei to ut av korga over Nordfjorden, blei planen for korleis dei to kunne bergast lagt på eit møte mellom politiet, mannskapet på Sea King, den alpine redningsgruppa og Stryn Røde Kors.

— Dei to kjende seg bekvemme med å fire seg sjølve ned. Det gjorde at vi satsa på den løysinga, fortalde innsatsleiar Geir Olsen.

Alternativet var å sende ei ny korg ut til dei to på spennet, men innsatsleiar Olsen var tydeleg nøgd med at dei slapp dette alternativet.

— Tidsfaktoren var eit kritisk element. Dei to var kalde. I tillegg fortalde vermeldingane at det kunne bli lyn og torden. Det er ikkje kjekt å sende folk ut på eit spenn i slikt ver, sa Olsen.

Vind og turbulens

Det bles kraftig og regna tungt under heile bergingsksjonen. Det var kraftig vind og turbulens som gjorde at mannskapet på Sea King måtte gje opp å heise dei opp. Det blei rett og slett for farleg. Men då vinden løya litt rundt middagstider greidde dei å få levert ein pose med klatreutstyr.

— Hadde vi ikkje greidd det kunne vi fått eit større problem, meinte Hole.

Rundt klokka eitt, nesten eitt døgn etter at dei to gjekk ut i vogna på kraftspennet mellom Agjeld og Stavenes, hadde dei nok ein gong fast grunn under beina.