– Målet er at kattar som kjem bort skal kunne bli gjenforeint med eigaren. Vi ønskjer å forhindre at kattar blir heimlause, seier seniorrådgivar i Mattilsynet Vigdis Finstad til bt.no.
Etter det Mattilsynet kjenner til, har ingen andre land i verda tilsvarande merkeordning for kattar.
Microchip
Forskrift om merking av katt er no sendt ut på høyring frå Landbruks- og matdepartement med frist 1. desember. Går forslaget gjennom, må alle katteeigarar i landet merke katten med mikrochip med identifikasjonsnummer. Dette nummeret skal gå inn i eit register med informasjon om kven eigaren er.
Dermed kan det bli gjensynsglede. Samstundes kan veterinærstyresmaktene sikrare avlive herrelause dyr.
– Dette er også ein faktor, men ikkje målet med forskrifta, seier Finstad. Ifølgje Mattilsynet brukar fleire distrikt betydelege summar på avliving av kattar som ingen stad høyrer til.
LES OGSÅ:
Kattunger dumpet for å dø
Kattunger dumpet for å dø
Maks flaks for katten Max
Maks flaks for katten Max
- Neglisjert gruppe
Det finst ingen sikre tal på heimlause kattar, men Dyrebeskyttelsen i Noreg tok hand om meir enn 3000 i 2008. Høyringsnotatet peikar også på at heimlause kattar genererer andre problem, som støy, lukt og smitte.
– Det verkar som mange har ein låg terskel for å skaffe seg katt. Det er ikkje til å underslå at dette er ei neglisjert gruppe blant husdyra våre, seier Finstad.
Mikrochipen skal injiserast under huda på katten av ein veterinær.
Forslaget om ID-merking av katt vart først fremja av ei arbeidsgruppe under Landbruksdepartementet i 1998 – den såkalla kattemeldinga. Den nye forskrifta skal etter planen tre i kraft frå 1. Januar neste år parallelt med den nyleg vedtekne Lov om dyrevelferd.
Dyrs rettsvern styrkes i ny lov
Dyrs rettsvern styrkes i ny lov
Tar vi godt nok vare på pus?
Pus skal få database (arkiv: Roar Christiansen)
