Søndag skal klokka stillast ein time tilbake, frå klokka 03.00 til 02.00.

I samband med endringa har Næringsdepartementet sendt ut ei pressemelding, der næringsminister Monica Mæland har fått tittelen «tidsminister».

Ifølge pressemelding «åpner (ho) for at alle kan sove en time lenger natt til søndag».

Den litt muntre tonen held fram:

«Som ansvarlig statsråd for Justervesenet, har næringsminister Monica Mæland (H) full kontroll på nøyaktig tid.»

Utan at det går fram av meldinga spelar den på humoren som har blitt kjent i visse krinsar frå twitter-kontoen «Monica Mæland Facts».

Ingen veit heilt kven som står bak, men det ryktast at det er unge menneskje i Mælands eige parti. Gjennomgangstonen er at Monica Mæland er steinhard, og bestemmer over alle.

  1. oktober kunne dei mellom anna melde følgjande:

«Breaking news: Monica Mæland har allerede kalt Erna Solberg inn på teppet».