Småprata

— Det gjekk overraskande bra oppover Måbødalen. Knut Langeland og eg gjekk i lag og småprata heile vegen. Vi psyka kvarandre opp. Det er ein veldig god støtte å ha han med, fortel Bjarne Norevik til bt.no i føremiddag.

Fjellet i gult

Klokka er kvart på eit. Det er overskya på Maurseth. Fjellet har byrja kle seg i gult. Nokre regndråpar fell på reinsjegrane langs vegen.. I kortbukse kjem Norevik pesande. Han passerer 18 kilometer, eit skilt fortel at det er 25 kilometer att til Halne fjellstove Eit lite stykke bak kjem Langeland småjoggande. Sysendammen smiler til dei.

Sjokolade og bananer

Kvar tiande kilometer et vi "New Energy"-sjokolade og bananer. Kvar femte drikk me vatn, opplyser gangaren.

— Ei som sendte helsing til deg på nettet i dag, lurte på om det vart nokre glas raudvin i går kveld?

— Nei, i går stod vi over. Var litt redd for manndomsprøva dag med 43 kilometer og sterk stigning. Men i kveld skal vi ta eit glas, to minst, humrar Norevik.

Etter at Måbødalen var unnagjort har dei heldt åtte minutt på kilometeren. Eit overraskande høgt tempo i dei seige motbakkane opp fordi Sysendammen.

Kortebukser

Gangarane traver i veg i kortbukser sjølv om det knapt er ti grader varmt.

— Heldigvis hadde eg vet til å gjera leksa mi på førehand. Eg var godt trent. I går gjekk vi dei første 10 kilometerane på 7 minutt og 10 sekundar per kilometer, og det er fort. For Knut var det viktig å gå fortare en det Davy gjekk, og det hadde han små problem med, konstaterer Norevik.

DET ER I MOTBAKKE DET GÅR OPPOVER: - Det gjekk overraskande bra oppover Måbødalen. Knut Langeland og eg gjekk i lag og småprata heile vegen. Vi psyka kvarandre opp. ARkIVFOTO: LHL