Du skal få din eigen faste saksbehandlar på det nye NAV-kontoret, etter fastlegeprinsippet.
Den som skriv under på ei velferdskontrakt vil få auka sosialstøtta «opp mot» SIFO-satsar (frå 4.270 til 6.500 kroner månaden for ein einsleg). Skriv du ikkje under må du klare deg med dagens satsar.
I velferdskontrakten pliktar mottakaren seg til å ta kurs, utdanning, praksisplassar, rusbehandling eller andre tiltak. Målet for dei fleste vil vere å kvalifisere dei til arbeidslivet.
Samstundes seier Hanssen at dei det ikkje er realistisk å få inn i arbeidsmarknaden, på grunn av sjukdom og anna, skal få andre aktivitetstilbod. Hanssen ser for seg det kan skje i samarbeid med frivillige organisasjonar.
Hanssen seier òg at dei sjukaste av dagens langtidsmottakarar av sosialhjelp skal få uføretrygd.
Viss mottakarane ikkje gjer slik dei lovar i velferdskontrakten, til dømes hoppar av metadonbehandling, vil dei ifølgje Hanssen få fleire sjansar. Men til sjuande og sist blir det opp til saksbehandlaren din på NAV-kontoret å vurdere når du har brukt opp sjansane, og mister velferdskontrakt-pengane.
Hanssen varslar òg at dei vil la folk med velferdskontraktar gå lengre i statleg betalte praksisplassar i bedriftene. I dag er grensa seks månader. På spørsmål om praksisperioden skal utvidast svarar Hanssen: - Ja. Velferdskontrakten skal ikkje ha noko tidsavgrensing.
I tillegg skal stat og kommunar tilby fleire praksisplassar enn i dag.
Folk som går på arbeidsløyse- eller uføretrygd skal kunne tene meir enn i dag utan at det går ut over trygda.
Det kjem òg nye verkemiddel retta mot uføretrygda, spesielt unge, for å få dei i arbeid.
Regjeringa vil ikkje innføre bindande nasjonale sosialhjelpssatsar. Kvar kommune skal framleis få avgjere satsane sjølve.
Regjeringa vil heller ikkje operere med ei fast inntektsgrense for fattigdom, slik dei indirekte har gjort til no (OECD-grensa). I staden vil dei sjå inntekter og utgifter i samanheng.
Valgforsker Frank Aarebrot tror striden med bøndene om årets jordbruksoppgjør vil resultere i en skikkelig baksmell for den rødgrønne regjeringen neste år.
Seks personer ble pågrepet da politiet natt til lørdag gjennomførte razzia mot to utesteder i Trondheim. Flere hundre gjester ble sperret inne mens aksjonen pågikk.
